Guzrain Jo Ibadat Main Lamhaat Madinay Main
Rehmat Ki Barasti Hay Barsaat Madinay Main

Her Din Ka Wahan Manzir Pur'kaif Bara Piyara
Kya Khoob Suhani Hay Her Raat Madinay Main

Jab Gumbad-E-Ghazra Main Rehtay Hain Sakhi Data
Phir Kioon Na Banay Bigri Her Baat Madinay Main

Wo Din Bhi Khuda Laye Sarkaar(S.A.W)Doalam Kay
Rozay Pay Perhain Natain Sab Saath Madinay Main

Kerta Hay Karam Jis Kay Sadqay Main Khuda Sab Per
Is Rehmat-E-Alam Ki Hay Zaat Madinay Main

Aisa Ho Karam Hum Per Sadqay Main Muhammad(S.A.W)Kay
Allah Karay Jain Sab Saath Madinay Main

Kya Lutf Ibadat Main Kya Kaif Hay Natoon Main
Hotay Hain Bulandi Per Jazbaat Madinay Main

Jannat Ki Baharain Hain Sab Noori Fizayein Hain
Anwaar Barastay Hain Din Raat Madinay Main