Hajiyo Aao Shahinshah Ka Rauda Dekho
Ka'bah To Dekh Chuke Kabe Ka Kabah Dekho
Rukne Shami Se Miti Weh-Shate Shaame Ghurbat
Ab Madine Ko Chalo Subhe Dil Ara Dekho
Abay Zam-Zam To Piya Khoob Bujhaee Piyasein
Aao Juday Shahay Kauthar Ka Bhi Darya Dekho
Zair E Meezaab Khoob Meelay Karam Ke Cheentay
Abre Rehmat Ka Yahaan Zor E Barasna Dekho
Dhoom Dekhi Hai Dar E Kabah Pe Be'tabaun Ki
Unke Mushtaqaun Me Hasrat Ka Tadapna Dekho
Zeenat Ka'bah Me Tha Laakh Aroosaun Ka Banaao
Jalwah Farma Yahan Kaunain Ka Doolha Dekho
Dho Chukaa Zulmat E Dil Bo-Saae Sange Aswad
Khaak Bosi Ko Madiney Ka Bhi Ruthbah Deykho
Multazim Sey To Galay Lag Key Nikalay Armaan
Adab-O-Showq Ka Yaan Bahm Ulajhna Dekho
Khoob Aankhon Say Lagaya Hey Ghulaafe Ka'bah
Qasar E Mahboob Key Parday Ka Bhi Jalwah Dekho
Bay Niyazi Say Wahan Kaanapti Paai Taa'at
Josh E Rahmat Pe Yahan Naaz Gunah Ka Dekho
Ghaur Say Sun To Raza Ka'bah Say Aati Hai Sada
Meri Aankhon Say Mere Pyare Ka Rauda Dekho