Jab Masjide Nabawi Ke Minaar Nazar Aae
Allah Ki Rehmat Kay Asaar Nazar Aae

Manzar Jo Bayaan Kaise Alfaaz Nahi Milte
Jis Waqt Muhammed Ka Darbaar Nazar Aae

Bus Yaad Rahay Itna Seenay Say Lagi Jali
Phir Yaad Nahi Kya Kya Anwaar Nazar Aae

Dukh Dard Ke Maraun Ko Gham Yaad Nahi Rehte
Jab Saamne Aankhaun Ke Gham Khuwar Nazar Aae

Makkay Ki Fazaun Me Taibah Ke Hawaun Me
Hum Ne To Jidhar Dekha Sarkar Nazar Aae

Chor Aya Zahoori Mai Dil Jaan Madine Me
Ab Jeena Yahaan Mujh Ko Dushwaar Nazar Aae