Kab Talak Muntazir Hum Rahein Ya Nabi
Apna Jalwa E Athar Dikha Dijiye

Hum Faqeeraun Ki Ya Ahmed E Mujtaba
Pyaas Qalbo Nazar Ki Bhuja Dijiye

Aap Zeenat Azal Ki Hai Khairul-Wara
Aap Raunakh Abad Ki Hai Salle Ala

Aap Khairul Bashar Wajhe Kauno Makaan
Paar Beda Hamara Laga Dijiye

Arsh Wale Bhi Tere Sana Khawn Hai
Aur Malaik Tere Dar Ke Darbaan Hai

Tere Darbare Alee Ki Kya Shaan Hai
Apne Qadmau May Hamko Bula Lijiye

Ranj O Alam Se Kardo Humko Baree
Khushk Hai Dil Ki Kheti Yeh Kardo Haree

Tashnagi Bekali Teergi Ya Nabi
Reh-Guzaraun Se Dil Ki Hata Dijiye

Bay Amal Hum Sarapa Gunahgaar Hai
Ranjisho Mushkilo Me Giraftaar Hai

Hum Karam Ke Tumhare Talab Gaar Hai
Aaho Giriya Se Humko Jila Dijiye

Sabse Ooncha Hai Rutbaun Me Rutba Tera
Choomte Hai Malaik Bhi Rauza Tera

Chahtein Dil Me Hain Sar Me Sauda Tera
Dar Pe Ishrat Ko Apne Bula Lijiye