Khushi Sab Hi Manaatay Heyn Mayray Sarkar Aatay Heyn
Divaanay Jhoom Jaatay Heyn Mayray Sarkaar Aatay Heyn

Khushi He Amina Kay Ghar Wo Aa-Ay Noor Kay Pekar
Jo Peda Ho Kay Sajday Maynn Wo Apnay Sar Ko Jhukaatay Heyn

Dahan Bhi Noor Noor He Badan Bhi Noor Noor He
Nazar Bhi Noor Noor He Wo Noori Haq Kehlaatay Heyn

Jo Daykha Husnay Yusuf Ko To Apni Ungliyaan Kaati
Jo Aaqa Daykh Lay Tum Ko Wo Apnay Sar Ko Kataatay Heyn

Farishton Ki Yay Sunnat He Kay Aaqa Say Muhabbat Meyn
Minaaron Or Makaanon Par Jo Ham Jhanday Lehraatay Heyn

Zaraa Jhandon Ko Lehra-O Zara Haathon Ko Lehraa-O
Khuda Ki Ab Raza Paa-O Zara Haathon Ko Lehraa-O
Yehi Wo Kaam Heyn Jis Say Musalmaan Jannat Paatay Heyn

Mahad Mayn Chaand Ko Daykha To Noori Noor Ko Daykha
Jahaan Ungli Uthaatay Heyn Wahiin Par Chaand Ko Paatay Heyn

Wo Jhoola Noor Ka Jhoola Sarapa Noor Ka Jhoola
Jinnay Noori Jhoolaatay Heyn Jinnay Noori Sulaatay Heyn

Wiladat Ki Gharri Aa-Ii Bahaar Ab Jhoom Kay Chaa-Ii
Wo Daykho Aa Ga-Ay Aqa Divaanay Jhoom Jaatay Heyn