Madine Ka Safar Hai Aur Mai Num Deedah Num Deedah
Jabeen Afsur-Dah Afsur-Dah, Qadam Laghzeedah Laghzeedah

Chala Hoon Ek Mujrim Ki Tarah Mai Janibay Taibah
Nazar Sharmindah Sharmindah, Badan Larzee-Dah Larzee-Dah

Kisi Ke Haath Ne Mujh Ko Sahara Day Diya Warna
Kahaan Mai Aur Kahaan Yeh Raaste Paychee-Dah Paychee-Dah

Kahaan Mai Aur Kahaan Iss Ka Rauza Aqdas Ka Nazarah
Nazar Iss Simt Uthti Hai Magar Darzee-Dah Darzee-Dah

Madine Jaa Kay Hum Samjhe Taqad'dus Kisko Kehte Hai
Hawa Pakeezah Pakeezah Faza Sanjeedah Sanjeedah

Basarat Kho Gaee Lekin Baseerat To Salamat Hai
Madinah Hum Nay Dekha Hai Magar Na-Deedah Na-Deedah

Wahi Iqbal Jis Ko Naaz Tha Kal Khush Mizaji Par
Firaaq Taibah Me Rehta Hai Ab Ranjee-Dah Ranjee-Dah