Peshe Haq Muzda Shafa'at Ka Sunate Jaenge
Aap Rote Jaenge Hum Ko Hasate Jaenge
Dil Nikal Jane Ki Jaa Hai Aah Kin Aankhaun Se Woh
Hum Se Pyasaun Ke Liye Darya Bahate Jaenge

Kushtagane Garmi Ko Woh Jane Masiha
Aaj Daman Ki Hawa De Kar Jeelate Jaenge

Gul Khilega Aaj Yeh Unki Naseem-E-Faiz Se
Khoon Rote Aenge Hum Muskurate Jaenge

Haan Chalo Hasrat Zado Sunte Hain Woh Din Aaj Hai
Thi Khabar Jis Ki Ke Woh Jalwa Dikhate Jaenge

Aaj Eid Ashiqaan Hai Gar Khuda Chahe Ke Woh
Aabru-E-Pewastah Ka Alam Dikhate Jaenge

Kuch Khabar Bhi Hai Faqiro Aaj Woh Din Hai Ke Woh
Nemat-E-Khuld Apne Sadqe Me Lutate Jaenge

Khaak Uftado! Bus Unke Aanay Hi Ki Dair Hai
Khud Woh Gir Kar Sajdah Mein Tum Ko Uthate Jaenge

Was'atein Dee Hai Khuda Ne Daman-E-Mehboob Ko
Jurm Khulte Jaenge Aur Woh Chupate Jaenge

Lo Woh Aae Muskurate Hum Aseeraun Ke Taraf
Khirmane Isiyaan Par Ab Bijli Girate Jaenge

Aankh Kholo Ghamzado Dekho Woh Giriyaan Aae Hain
Lauhe Dil Se Naqsh Gham Ko Ab Mitate Jaenge

Sokhta Janaun Pe Woh Pur Josh Rehmat Aae Hain
Aab-E-Kauthar Se Lagi Dil Ki Bujhate Jaenge

Aaaftaab Unka Hi Chamke Ga Jab Auraun Ke Chiraagh
Sir Sir Josh-E-Bala Se Jhilmilate Jaenge

Pae-Kuba Pul Se Guzrein Ge Teri Awaaz Par
Rabbe Sallim Ki Sada Par Wajd Laatay Jaenge

Hashr Tak Daleinge Hum Paida'ishe Maula Ki Dhoom
Misle Faras Najd Ke Qal'ay Girate Jaenge

Khaak Ho Jae Adoo Jalkar Magar Humto Raza
Dum Me Jab Tak Dum Hai Zikr Unka Sunate Jaenge