Rehmat Baras Rahi Hai, Muhammad Ke Shehr Mei(N)
Har Shay Mei(N) Taazgi Hai, Muhammad Ke Shehr Mei(N)
Aate Hai Bakhswaane, Gunaaho(N) Ko Gunahgaar
Qismat Badal Rahi Hai, Muhammad Ke Shehr Mei(N)
Rehmat Baras Rahi Hai

Har Ek Bhar Raha Hai, Yahaa(N) Daamane Muraad
Khairaat Mil Rahi Hai, Muhammad Ke Shehr Mei(N)
Rehmat Baras Rahi Hai

Daulat Suku(N) Ki Har Jagaah, Ham Dhundhte Rahe
Aakhir Yeh Mil Gayi, Yeh Muhammad Ke Shehr Mei(N)
Rehmat Baras Rahi Hai

Rooh Har Bashar Hai, Suwe Madinah Kiye Huey
Duniya Sama Gayi Hai, Muhammad Ke Shehr Mei(N)
Rehmat Baras Rahi Hai

Roshan Hai Jis Ke Noor Se, Dono(N) Jahaa(N) Riyaz
Aesi Sha'Ma' Jali Hai, Muhammad Ke Shehr Mei(N)
Rehmat Baras Rahi Hai