|
Aye Charagar-E-Shouq Koi Aisi Dawa Dey Jo Dil Se Har Ek Ghair Ki Chahat Ko Bhula Dey
Bas Dekh Liya Dunya Ke Rishtaun Ka Tamasha Maqlooq Se Umeed Ke Sab Deep Bujha Dey
Paakiza Tamana'eyn Bhi Laati Hai Udaasi Har Zauq-E-Talab Shauq-E-Tammana Hi Mita Dey
Kyun Nayk Gumanaun Ke Saharaun Pe Jiye Hain In Saare Fareebaun Ko Suraab'aun Ko Hata De
Takna Ya Na Takna To Mahboob Ka Haq Hai Na Hi Shoor-O-Fuqaan Karna To Ghairaun Ko Gila De
De Lazzat-E-Deedaar Ki Behoshi Mein Woh Hoosh Jo Hasti Ki Pehchaan-O-Ta'ainyun Ko Gavaan Dey
Ek Mein Hun Faqat Tu Ho Aur Aalam-E-Hu Ho Aye Husn-E-Azal Saare Hijabaat Uthadey
Nasoot-O-Malakoot-O-Jabroot Ke Ehwaal Lahooti-O-Ha'hooti Dawail Mein Mila Dey
Har Fail Sifat Zaat Se Yun Mujh Ko Fana Kar Mujh Ko Na Koi Jaane Na Mujhe Koi Sada Dey
Mein Khud Ko Bhi Khud Apne Sey Phir Dhoond'na Pa'un Yun Aatish-E-Sozaan Se Meri Raakh Jala Dey
Anwaar-O-Ma'aani -O- Taba'ey Se Juda Kar Abb Aalam -E- Wahdaat Mein Gumgashta Bana De
Phir Kaun Kisey Jaane Phir Kaun Kisey Ma'ne Har Ilm-O-Khabar Jaan-O-Pehchaan Mita Dey
Hun Tere Hijabaat Ki Dehleez Pe Kab Sey Ek Baar Zara Dekhle Ek Parda Hata Dey
Hai Ruh Ko Har Lamha Tere Wasl Ki Umeed Aa Zist Ki Shab Ko To Kabhi Subho Bana Dey
Ka'ey Baar Bulaya Tujhe Ka'ey Baar Sataya Tu Bhi To Kabhi Raat Ko Mil Aur Chup Ke Nida Dey
Khud Dekhle Tu Soya Hai Mein Jaag Raha Hun Tu Bhi To Kabhi Meri Wafa'aun Ka Sila Dey
Bas Ek Hi Surat Hai Idher Unki Nazar Ki Juz Unke Ke Har Ek Yaad Har Ek Baat Bhula Dey
Kyun Hook Si Uth'ti Hai Dil-E-Naleedah Se Tahir Iss Basti Veraan Ke Khas-O-Khashaak Jala Dey |
|
Important Notice:
Mediaislam.com is mainly optimized for Mozilla Firefox Browser.
Please click the button below to download & install it.
It's free, fast and simple to use.
You need real player software to play the media files.
Please click the image to download the free player
|
|