Sambhal Jaye Dil-E Muztar Madina Aane Wala Hai
Luta-E Chashme Tar Gohar Madina Aane Wala Hai
Qadam Ban Ja-E Mera Sar Madina Aane Wala Hai
Bichu Rah Meh Nazar Bankar Madina Aane Wala Hai
Jo Dekhein Un Ka Naqsh Pa Khuda Se Woh Nazar Mangoon
Chiraage Dil Chalo Lekar Madine Aane Wale Hai
Karam Unka Chala Yoon Dilse Kehta Rahe Tayba Meh
Dille Muztar Tassalli Kar Madina Aane Wala Hai
Nichawar Heh Madina Ki Ye Mera Dil Meri Aankhen
Nichawar Hoon Madina Par Madine Aane Wala Hai
Ilaahi Mein Talabgaar Fana Hoon Khaak Tayba Mein
Ilahi Kar Nisaare Dar Madina Aane Wala Hai
Madina Ko Chala Meh Be Niyaz Rahbare Manzil
Raahe Tayba Hai Khood Rahbar Madina Aane Wala Hai
Mujhe Khinche Liye Jaata Hai Shouqe Koocha-E Jaana
Kincha Jaata Hoon Mein Yeksar Madina Aane Wala Hai
Wo Chamka Ghumbade Khazra Woh Shehrepur Zia Aaya
Dhale Ab Noor Mein Pekar Madina Aane Wala Hai
Jahan Se Bekhabar Hokar Chalo Khulde Madina Mein
Chalo Ab Hosh Ki Peekar Madina Aane Wala Hai
Madina Mein Khule Baabe Hayaat Noa-Batarz Nou
Badal Daalo Kahan Daftar Madina Aane Wala Hai
Madina Aagaya Ab Der Kya Hai Sirf Itni Si
Too Khaali Kar Ye Dil Ka Ghar Madina Aane Wala Hai
Falak Shaahid Zamin Par Rahgaya Khaake Guzar Bankar
Biche Heh Raaha Mein Akhtar Madina Aane Wala Hai
Qamar Aaya Hai Shaahid Un Ke Talwon Ki Zia Lene
Bicha Hai Chaand Ka Bistar Madina Aane Wala Hai
Muhammad Ke Ghada Kuch Farsh Wale Hi Nahein Dekhon
Wo Ataa Hai Sha’E Khaawar Madina Aane Wala Hai
Ghubaar Raha Anwar Kis Qadar Poor Noor Hai Akhtar
Tani Hai Noor Ki Chaadar Madina Aane Wala Hai