Qurbaan May(N) Unki Bakhshish Ke, Maqsad Bhi Zubaa(N) Par Aaya Nahi(N) Bin Maange Diya Aur Itna Diya, Daaman Mei(N) Hamaare Samaaya Nahi(N)
Imaan Mila Un Ke Sad’qe, Qur’an Mila Un Ke Sad’qe
Rehmaan Mila Un Ke Sad’qe, Woh Kya Hai Jo Ham Ne Paaya Nahi(N)
Aawaaz Karam Deta Hi Raha, Thak Haar Gaye Lene Waale
Mangto(N) Ki Hameshaah Laaj Rakhi, Mehroom Kabhi Lautaaya Nahi(N)
Un Ka To Shiyaar Karimi Hai, Maa-Il Ba Karam Hi Rehte Hai
Jab Yaad Kiya Aey Salle Ala, Woh Aahi Gaye Tadpaaya Nahi(N)
Khurshid Qiyaamat Ki Tapish, Maana Ke Qiyaamat Hi Hogi
Ham Un Ke Hai(N) Ghabraaei(N) Kyo(N), Kya Ham Pe Nabi Ka Saayaah Nahi(N)
Us Mohsane A’zam Ke Yu(N) To, Khalid Pe Hazaro(N) Ehsaan Hai(N)
Qurbaan Magar Is Ehsaan Ke, Ehsaan Bhi Kiya To Jataaya Nahi(N)
|