Waah Kya Martaba Aey Ghaus Hai Baala Tera
Ghause A’zam Bamane Besaro Saamaa(N) Madade Qiblaae Dee(N) Madade Kaa’baaey Imaa(N) Madade
Waah Kya Martaba Aey Ghaus Hai Baala Tera Unche, Uncho Ke Saro(N) Se, Qadam Aala Tera
Sar Bhala Kya Koi Jaane, Ke Hai Kaisa Tera Aulia Malte Hai Aankhei(N), Woh Hai Talwa Tera
Kya Dabe Jis Pe Himaayat Ka Ho Panja Tera Sher Ko Khatre Mei(N) Laata Nahi(N) Kutta Tera
Tu Hasani, Hussaini, Kyo(N) Na Muhyiddin Ho Aey, Khizr Majmaaey Bahrain Hai Chash’mah Tera
Qasme De, De Ke Khilaata Hai, Pilaata Hai Tujhe Pyaara Allah Tera Chaahne Waala Tera
Mustafa Ke Tane Besaaye Ka Saayaah Dekha Jis Ne Dekha Meri Jaan, Jalwaaey Zaiba Tera
Kyo(N) Na Qasim Ho Ke Tu Ibne Abul Qasim Hai Kyo(N) Qadir Ho Ke Mukhtaar Hai Baaba Tera
Nabawi Mei(N) Alawi Fasl, Batooli Gulshan Hasani Phool, Hussaini Hai Mahekna Tera
Tujh Se Dar, Dar Se Sag, Aur Sag Se Mujh Ko Nisbat Meri Gardan Mei(N) Bhi Hai, Dur Ka Dauraa(N) Tera
Is Nishaani Ke Jo Sag Hai(N), Nahi(N) Maare Jaate Hashr Tak Mere Gale Mei(N) Rahe Patta Tera
Meri Qismat Qasam Khaaey Sagaane Baghdaad Bartaaniya Mei(N) Bhi Hu(N) To Deta Rahu(N) Pehra Tera
“Warafa’ana Laka Zikreka” Ka Hai Saayaah Tujh Par Bol Baala Hai Tera, Zikr Hai Uncha Tera
Bad Sahi, Chor Sahi, Mujrime Nakaara Sahi Aey Woh Kaisa Hi Sahi, Hai To Karima Tera
Fakhre Aaqa Mei(N) Raza Aur Bhi Ek Nazm Rafi Chal Likha Laaey Sana Khwaano Mei(N) Chehra Tera
Author: Alaa Hazrat Imam Ahmad Raza Khan Barelvi (Radiyallahu Anhu)
|