|
தைக்கா கந்து}ரி சிறப்பலங்காரம்
(தேசிக தோடி – ராகம் ரூபக – தாளம் )
1. பத்மினி ஜாதிப்பெண் மானே – பசுந்
தேனே – பகர்வேனே – உன்றன்
பாங்கினில் வீற்றிருப்பேனே – புகழ்
பாடப்பல மதவின்னங்
கூடத்தா மதமென்ன
பாகுறுங்காஹிறின்மீது – தைக்கா
சாஹிக் கந்து}ரியிப் போது (பத்மினி)
2. காவல ராமுமர் பாலர் – குண
சீலர் – அநுகூலர் - நமைக்
கைதாங்கும் ரட்சகமேலர் – உயர்
ககனப் பதியோர் போற்றும்
மிகுதம்புவியோ ரேத்தும்
கண்டதெல்லா மவர்புதுமை – சொல
வுண்டுமோ யாவர்க்கு முதுமை (பத்மினி)
3. வேதகுர்ஆன் சுவி சேஷம் - விசு
வாசம் - உப தேசம் - ராத்தி
போதுகின்றார் பவ நாசம் - இனு
மேகக்கதிர் போலுரு
வாகச்சுடரைத் தெரு
வீதிபரந்தெங்கும் வீசும் - எந்தப்
போதுங் கிந்தீல் பிரகாசம் (பத்மினி)
4. மல்லிகை முல்லைப்பூந் தாது - மலர்ப்
போது – ஜக மீது – தரும்
வாசமெங்குங் கிடை யாது – அந்த
வாடாமலிகைச் சூடியே
சோடாப் பாலகர் கூடியே
மாட்டுந்தாயிறா வினோசை – செவி
கேட்டு மென்மேலுமே யாசை (பத்மினி)
5. மாடப்புறாவன்ன மோடும் - மயி
லாடும் - குயில் பாடும் - துய்ய
மாதவர் தம்மன நாடும் - சிறு
வஞ்சிக்கொடியிடை யாளர்
மிஞ்சப்புகழ் ஸலவாத்தை
வானோர் மகளிருங் கண்டு - இங்கு
தானமர்ந்தார் மகிழ் கொண்டு (பத்மினி)
6. தீனோர் புகழ்ந்திம் வீடு – எதிர்
கூடு – மணி மேடு - இல்லைத்
தேசமெங்குமிதற் கீடு – அதில்
சீனிபா லோடினிய
தேனின் மாரி பொழிய
தென்றல் பரவு முல்லாசம் - எங்கும்
மண்டும் பரிமள வாசம் (பத்மினி)
7. வானோருலவுங் கைலாசம் - பிர
காசம் - பாவ னேசம் - அதை
மானுமிதே விசு வாசம் - புவி
மாந்தரத பாகக்கர
மேந்தித்தின மேயோதி
வாழ்த்துந் தலமிது நாமே – தினம்
தாழ்த்தும் விலையைக் கொய்தோமே (பத்மினி)
8. எந்நேரமுஞ் ஜனக் கூட்டம் - மன
நாட்டம் - நிறை வேற்றம் - எங்கள்
ஏந்தல் கந்து}ரி கொண் டாட்டம்; - மிகு
ஏதக்கூட வதைவிட்ட
நீதக்கட வதைவிட்ட
எந்தன் துயரதை நீங்கி – அருள்
தந்திடுவார் கண்ணா நோக்கி (பத்மினி)
9. ஏதுரைப்பே னிந்தக் காட்சி – அர
சாட்சி - இறை மாட்சி - இங்கே
எய்கினோர்க் கும்பவ மீட்சி - இனும்
ஈனக்கன லுளையுற்று
மானக்கன நிலைக்கெட்ட
எல்லவர்க்கும் அருள் கூடும் - தவ
வல்லவரென் புகள் சூடும் (பத்மினி)
10.அன்பன் காயற்பதி வாசன் - அவர்
தாசன் - விசு வாசன் - புகல்
அப்துல்லா வென்னுமுன்னேசன் - எனை
ஆளக்கட வதுவென்று
நீளக்கதறியே நின்று
ஆதாரமென் றவர் பதமே – மலர்ப்
போதாரமே வந்தேன் சதமே (பத்மினி)
|
|
Important Notice:
Mediaislam.com is mainly optimized for Mozilla Firefox Browser.
Please click the button below to download & install it.
It's free, fast and simple to use.
You need real player software to play the media files.
Please click the image to download the free player
|
|