Taj Daar-E-Haram Ae Shahinsha-E-Deen
Tum Pe Har Dum Croro Durud-O-Salam

Ho Nigah-E-Karam Hum Pe Sultan-E-Deen
Tum Pe Har Dam Croro Durud-O-Salam

Koi Husne Amal Paas Mere Nahi
Phas Na Jaoon Qayamat Me Maula Kaheen

Ae Shafi-E-Umam Laaj Rakhna Tumheen
Tum Pe Har Dum Croro Durud-O-Salam

Dur Rah Kar Na Dum Toot Jae Kaheen
Kaash Taiba Me Ae Mere Mah-E-Mubeen

Dafn Hone Ko Miljae Do Gaz Zameen
Tum Pe Har Dum Croro Durud-O-Salam

Fikr-E-Ummat Me Rataun Ko Rote Rahe
Aasiyaun Ke Gunaho Ko Dhote Rahe

Tum Pe Qurbaan Jaoon Mai Mah-E-Jabeen
Tum Pe Har Dum Croro Durud-O-Salam

Kaferaun Ki Sitam Has Ke Sahte Rahe
Phir Bhi Har Aan Haq Baat Kahte Rahe

Kitni Mehnat Se Ki Tum Ne Tabligh-E-Deen
Tum Pe Har Dum Croro Durud-O-Salam

Teri Yadaun Se Maamur Sina Rahe
Lab Pe Har Dum Madina Madina Rahe

Bas Mai Diwana Banjaun Sultan-E-Deen
Tum Pe Har Dum Croro Durud-O-Salam

Phool Rahmat Ke Har Dum Lutate Rahe
Hum Gharibaun Ki Bigdi Banate Rahe

Hauz-E-Kauser Pe Na Bhool Jana Kaheen
Tum Pe Har Dam Croro Durud-O-Salam

Phir Bulalo Madine Me Attar Ko
Ye Tadap Ta Hai Taiba Ke Deedar Ko

Koi Is Ke Siva Aarzoo Hi Nahi
Tum Pe Har Dam Croro Durud-O-Salam